Якташыбызны Татарстан Рәисе бүләкләде

Татарстан Республикасы Рәисе Рөстәм Миңнеханов боерыгы нигезендә, якташыбыз – Свердлау өлкәсе “Урал татарлары” Татар конгрессы әгъзасы Галиуллин Рифкат Мәхмүт улы, милләтләр арасында татулыкны һәм тынычлыкны ныгытуга, татар милли мәдәниятен үстерүгә һәм саклауга керткән өлеше өчен, Татарстан Республикасы Рәисе Рәхмәтенә лаек булды. Өлкә Сабантуенда Рәис якташыбызны үзе бүләкләде. Без райондашыбызны дәрәҗәле бүләге белән тәбриклибез, киләчәктә дә игелекле гамәлләрендә уңышлар телибез.