Саклаубашта Бибифатыйма әбигә 101 яшь тулды

Бибифатыйма апаны 101 яшьлек матур бәйрәме белән тәбрик итәргә районыбыз башлыгы Фәрит Хөснуллин килгән иде. 

– Сез районыбызның йөз яшьлек чикне атлаган, республикабызның яшьтәше булган хөрмәтле кешесе. Сезнең туган көн – район өчен дә зур вакыйга. 

Хөрмәтле Бибифатыйма Миңнебаевна! Гомер бәйрәмегез белән котлап, Сезгә иң изге теләкләремне юллыйм. Исән-сау булып, балаларыгыз, якыннарыгыз янәшәсендә бәхеттә, саулыкта, кадер-хөрмәттә шатлыклы гомер кичерүегезне телим, -  дигән котлау сүзләрен җиткерде ул.