Раян абый 95 яшен билгеләп үтте

"Сарман: иң яңа хәбәрләр", 3 гыйнвар 2023 - 11:20

920

Сарман авылында яшәүче Илһаметдинов Раян Илһаметдин улына бүген 95 яшь тулды.

Олуг юбилее белән ветеранны район башлыгы урынбасары Гүзәл Гәрәева тәбрикләде, изге теләкләрен җиткереп, Рәсәй Президенты Владимир Путинның Котлау хатын һәм район башлыгы Фәрит Хөснуллин исеменнән истәлек бүләкләре тапшырды. Юбилярның тормыш иптәше Мөзәянә апа да исән-сау. Алар 68 ел бергә тигез гомер кичереп, 3 бала тәрбияләп үстергәннәр. Бүгенге көндә 7 онык, 14 оныкчыклары бар. Якыннары да юбилярга тигез тормыш, сәламәт гомер теләделәр. Район социаль яклау бүлеге начальнигы Лилия Гыйльметдинова, "Шәфкать" үзәге директоры Гөлнара Хуҗина, Сарман авыл җирлеге башкарма комитеты белгече Резеда Сәлимгәрәева да Раян Илһаметдин улына ихлас тәбрик сүзләре җиткерделәр.