Насиха апа 90 яшен билгеләп үтте

"Сарман: иң яңа хәбәрләр", 11 февраль 2023 - 12:49

927

Түбән Ләшәү авылында гомер кичерүче Нургалиева Насиха Гаптелхак кызына 90 яшь тулды.

Олуг юбилее белән ветеранны район башлыгы урынбасары Гүзәл Гәрәева тәбрикләде, изге теләкләрен җиткереп, район башлыгы Фәрит Хөснуллинның Котлау хатын hәм истәлек бүләге тапшырды. Ләшәү Тамак авыл җирлеге башлыгы Илфат Хәбибуллин да ветеранга сихәт гомер, кадер-хөрмәт теләде. Балалары, оныклары да кадерле кешеләрен котларга җыелып кайтканнар. Насиха апа бүгенге көндә кызы Сәрия hәм кияве тәрбиясендә яши.