Галимуллиннар алтын туйларын бәйрәм иттеләр

"Сарман: иң яңа хәбәрләр", 6 ноябрь 2024 - 11:49

680

Сарманда яшәүче Фәнүс Әхәт улы белән Гөлфая Хәкимулла кызы Галимуллиннарның гаилә корып яши башлауларына октябрь аенда 50 ел тулган.

Татарстан Республикасы Конституциясе көне алдыннан район башлыгы Фәрит Хөснуллин юбилярларны әлеге истәлекле көннәре белән тәбрикләде, изге теләкләрен җиткереп, Рәхмәт хаты, чәчәк бәйләме, истәлек бүләкләре тапшырды. Сарман авыл җирлеге башкарма комитеты җитәкчесе Лилия Шәрипова, район ветераннар Советы рәисе Асыляр Харисов та бүләкләделәр. Теләкләргә кушылып, район Башкарма комитеты җитәкчесе урынбасары Индира Сәхипова, ЗАГС бүлеге начальнигы Гөлчәчәк Вәлишина да котладылар.