95 яшен тутырган Хафаса апа - йөзьяшәрләр нәселеннән

Саклаубаш авылында гомер кичерүче Хаҗиева Хафаса Шәехсамат кызына бүген 95 яшь тулды. Олуг юбилее белән ветеранны район Башкарма комитеты җитәкчесе Фәндәс Вәлиев тәбрикләде, изге теләкләр белән, Рәсәй Президенты Владимир Путинның Котлау открыткасын, район башлыгы Фәрит Хөснуллин исеменнән истәлек бүләге тапшырды. Район социаль яклау бүлеге начальнигы Лилия Гыйльметдинова, “Шәфкать” үзәге директоры Гөлнара Хуҗина, авыл җирлеге башкарма комитеты секретаре Альмер Сабиров, балалары, онык-оныкчыклары да юбилярга сихәт гомер, кадер-хөрмәт теләделәр. 
Хафаса апа – йөзьяшәрләр нәселеннән. Әтисе дә 102 яшен тутырып вафат булган, туганнары да 100 яшьләре тулгач кына бакыйлыкка күчкәннәр. 
- Аллаһы Тәгаләне олылап яшим, шуңа гомерем дә кадер-хөрмәттә үтә, - ди үзе ветеран. 

Альбина Сабирова язмасы hәм фотолары