Сарманга Нәүрүзбикә килде
Язның көн белән төн тигезләшкән вакытында Нәүрүз билгеләп үтелгән.
Ул – язны каршылап, чәчү эшләре алдыннан үткәрелә торган халык бәйрәме.
Нәүрүз «яңа көн» дигәнне аңлата. Бу көнне кешеләр өйдән-өйгә кереп, теләк теләп, сый-бүләк җыеп йөргәннәр. Йорт хуҗаларына яңа елда – саулык-иминлек, кырларга – бай уңыш, бер-берсенә озын гомер теләгәннәр.
Безнең районда да бу бәйрәм зурлап билгеләп үтелде. Петровский Завод авылы мәдәният йортында, Җәлил поселогының икенче санлы урта мәктәбендә бу бәйрәм күңелле итеп үткәрелде. Балалар җырлап-биеп, тәмле ризыклар белән сыйландылар, бәйрәмдә бүләкләр дә таратылды. Районның балалар бакчаларында да бәйрәм гөрләде. Уен-көлке, җыр-бию белән Нәүрүзбикәне каршы алдылар.
Следите за самым важным и интересным в Telegram-каналеТатмедиа
Нет комментариев