«Сарман таңнары» берләшмәсе танылган табибәне зурлады

"Сарман: иң яңа хәбәрләр", 18 февраль 2025 - 18:46

1303

Бүген “Сарман” кинотеатрының тамашалар залында республиканың атказанган табибәсе Асия Газдал кызы Гыйниятуллинаның 85 яшьлек юбилеена багышланган “Ак көзләрдә – ак чәчәкләр” дип исемләнгән очрашу узды.

Аны “Сарман таңнары” әдәби-иҗат берләшмәсе җитәкчесе Рәйхана Мирсәетова оештырды һәм алып барды. Районыбызның танылган табибәсен хөрмәт итеп, аның элекке елларда бергә эшләгән хезмәттәшләре, авылдашлары, Асия Газдал кызын хөрмәт иткәннәр килгәннәр иде. Кичә матур тәбрик сүзләре һәм җыр-моң белән үрелеп барды, җылы истәлекләргә бай булды. Килә алмаганнар сәламнәрен видеоязма аша да җиткерделәр.