Сарман мәгълүмат-мөхәррият үзәге язылу буенча акция игълан итә

Аның нигезендә район газеталары «Сарман» белән "Новый Сарман"га агымдагы елның II яртыеллыгына язылучылар арасында махсус бүләк — шикәр комы уйнатылачак. Аларны 10 кеше ота алачак һәм, күргәнегезчә, бүләкләр — шактый саллы һәм һәр йортта кирәкле. Ярты ел буена район газеталарына язылу ункөнлекләрендә һәм югарыда телгә алынган махсус акциядә шундый бүләкләр уйнатылу нәтиҗәсендә, сезгә район газеталары бушка диярлек эләгергә мөмкин. Тик язылу турындагы квитанцияләрегезнең күчермәләрен редакциягә юлларга онытмагыз. Аларда исем-фамилияләрегез һәм телефон номерларыгыз күрсәтелергә тиеш. 
Рәсем — ru.freepik.com сайтыннан