Район поликлиникасында төзекләндерү эшләре ахырына якынлаша

"Сарман: иң яңа хәбәрләр", 10 ноябрь 2021 - 11:30

954

Район поликлиникасында төзекләндерү эшләре ахырына якынлаша.

Биредә стена, идән, түшәмнәр, электр линияләре, су, җылылык, канализация, вентиляция, янгыннан саклану системалары, тәрәзәләр һәм ишекләр алыштырылган, түбә яңадан ябылган. Һәр бүлмәгә су югычлар урнаштырылган, кул киптергеч җиһазлар куелачак, телефон, интернет кертеләчәк. Табибларга эш бүлмәләрен халыкка керү өчен җайлырак булган 1 нче каттан бирү планлаштырылган. Шулай ук авыруларның маршрутлары ныклап уйланылган, бер-берсе белән мөмкин кадәр очраштырмау юллары каралган. Бүгенге көндә биредә соңгы төзекләндерү, бизәү эшләре башкарыла.Төзекләндерү эшләре өчен федераль казнадан 86,6 миллион сум акча бүлеп бирелгән.