Өч янгынга да саксызлык сәбәпче

Узган атнада районда өч янгын очрагы теркәлде. Күзәтчелек бүлегеннән хәбәр итүләренчә, аларда бер мунча һәм ике йорт янган. Тулысы белән янып бетмәсәләр дә, өч корылманың өчесе дә шактый зыян күргән.

— Гражданнарның электр җиһазлары һәм приборларыннан файдаланганда аеруча сак һәм игътибарлы булулары, кагыйдәләрне төгәл үтәүләре сорала. Ә бәйрәм көннәрендә икеләтә уяу булулары таләп ителә, — диде Сарман һәм Мөслим районнары буенча күзәтчелек бүлеге начальнигы Радик Госманов.