Комиссия утырышында коррупцион хокук бозулар турында сөйләштеләр

Аны комиссия рәисе урынбасары Гүзәл Гәрәева алып барды. Көн тәртибенә куелган беренче мәсьәлә – 2019 елның тугыз аенда милеккә һәм арендага җир бирүнең торышы, муниципаль милектән файдалануны контрольләү турында милек һәм җир мөнәсәбәтләре палатасы рәисе урынбасары Наил Миңнеголов чыгышы тыңланды. Контроль-хисап палатасының бюджет акчаларын максатчан файдалануны тикшерүе нәтиҗәләре белән палата рәисе Рәмзия Сәлимҗанова таныштырды. Район Советы аппаратының оештыру бүлеге начальнигы урынбасары Гөлназ Шәяхмәтова комисиянең муниципаль хезмәткәрләр, муниципаль вазифалар башкаручылар тарафыннан вазифаи таләпләрнең үтәлешен тикшерү һәм җирле үзидарә органнарында мәнфәгатьләр конфликтын җайга салу, коррупцион хокук бозуларны кисәтү чаралары турында сөйләде.
Бу турыда тулырак – район газетасының киләсе санында.

ФОТОЛАР:http://sarmanovo.tatarstan.ru/rus/pressa/sarmanovo_foto.htm/photoreport/5782067.htm