Йоклап булмаса – яран үстер

Тагын шунысы да билгеле – безнең кәефебез дә тирә-юньдә нинди гөлләр үсүгә турыдан-туры бәйләнгән.

Кайбер үсемлекләр безне стресслардан саклый, икенчеләре – хуш ис бүләк итеп, кәефне күтәрә, е өченчеләре – төрле авыруларны дәваларга булыша. Хлорофитум һаваны бик ышанычлы чистарта. Тикшерүләр күрсәткәнчә, бу гөл бер тәүлек торган бүлмәдә микроблар күләме 88 процентка кими.

Нерв системасы киеренкелеге, йокысызлык, тиз кызып китүчәнлек белән интегүчеләргә өйдә хуш исле яран үстерергә киңәш ителә. Аның исе тынычландыра, йокыны яхшырта, гипертония вакытында кан басымын да бераз төшерә. Йокыны яхшырту өчен мелисса да бик әйбәт.