Газинурны Татарстан Рәисе бүләкләде

Сарман аграр көллиятенең 4 курсы студенты — Әлмәт авылы егете Газинур Гайнетдиновның Липецк шәһәрендә узган «Яшь профессионаллар» (WorldSkills Russia) Региональ чемпионатында җиңү яулавы хакында язып чыккан идек инде.

«Авыл хуҗалыгы машиналарын эксплуатацияләү» компетенциясендә республика данын яклаган Рәсәй чемпионын бүген Татарстан Республикасы Рәисе Рөстәм Миңнеханов тәбрикләде. Көчле рухлы, тырыш егет тәрбияләгән әти-әнисе Марат Марсель улы белән Миләүшә Мисхәт кызы да ТР мәгариф һәм фән министрының Рәхмәт хатына лаек булдылар.