Татарстанда быел инде алты бала юл-транспорт һәлакәтендә вафат булды. Бу хакта ТР мәгариф һәм фән министры урынбасары Алсу Әсәдуллина матбугат конференциясендә сөйләде, дип яза «Татар-информ» МА.
Аның сүзләренчә, балалар катнашындагы аварияләрнең төп сәбәпләре:
юлны рөхсәт ителмәгән урында кичү;
балалар киемендә яктылыкны кире кайтаручы элементларның булмавы;
автомобильдә балаларны йөртү кагыйдәләрен бозу;
әти-әниләрнең балаларның юлдагы тәртибен күзәтмәве.
Министр урынбасары аерым бер очракта баланың питбайк белән идарә иткәндә юл һәлакәтенә эләгүен дә искәртте.
Нет комментариев