Сарман гимназиясе командасы агитбригадалар бәйгесендә җиңде
.
Бүген Сарман гимназиясенең актлар залында балаларның юл-транспорт һәлакәтләрендә имгәнүләре профилактикасы буенча башлангыч сыйныф укучылары — Яшь хәрәкәт инспекторлары төркемнәре арасында «Кызыл, сары, яшел!» дип исемләнгән район агитбригадалар бәйгесе үтте.
Чараның тематикасы «Самокат белән идарә итәм – барлык кагыйдәләрне дә үтим!» булды. Командалар әзерләгән номерларын күрсәттеләр.
Бәйгедә җиңүче булып Сарман гимназиясе командасы танылды. Зур Нөркәй урта мәктәбе командасы — икенче, Җәлилнең икенче санлы урта мәктәбе командасы өченче булдылар. Зиннәт Хәсәнов исемендәге Иске Кәшер урта мәктәбе «Музыкаль-бию баттлы» номинациясендә җиңүче булып танылды. Җиңүчеләргә һәм призерларга Сарман районында «Юл хәрәкәте иминлеге» дәүләт бюджет учреждениесе бүлекчәсе начальнигы Алсу Ситдыйкова, район мәгариф бүлеге методисты Римма Хафизова грамоталар, истәлек бүләкләре тапшырылды.
Калган катнашучылар да диплом һәм бүләксез калмадылар.
Тулырак язманы район газетасының алдагы саннарыннан укый алачаксыз.
Следите за самым важным и интересным в Telegram-каналеТатмедиа
Нет комментариев