«Могҗизалар кыры» Сарманда да бар
Сарман үзәк китапханәсендә Халыкара хатын-кызлар көненә багышланган «Могҗизалар кыры» интеллектуаль уены үткәрелде.
Чараны Сарман үзәк китапханәсе хезмәткәрләре һәм «Юл хәрәкәте иминлеге» дәүләт учреждениесенең район бүлекчәсе берлектә оештырды.
«Могҗизалар кыры» уены 3 турдан, финалдан һәм суперуеннан торды. Катнашучылар юл йөрү кагыйдәләре, юл һәм хатын-кызларга бәйле тарихи фактлар турында сорауларга җавап бирделәр. Уен барышында катнашучылар җырлар җырлап, шигырьләр укып, тамашачылар белән күңелле вакыт үткәрделәр. Сораулар катлаулы булса да, уенчылар аларга тиз һәм дөрес җаваплар таптылар.
Суперуенда Гүзәл Сайфуллина җиңү яулады. Барлык катнашучыларга «Юл хәрәкәте иминлеге» дәүләт учреждениесенең район бүлекчәсе җитәкчесе Алсу Разин кызы Ситдикова истәлек бүләкләрен тапшырды.
Сарман муниципаль районы «Үзәкләштерелгән китапханә» директоры Лилия Гайсә кызы Афзалетдинова киләсе бәйрәмнәр белән котлап, матур теләкләрен белдерде.
Следите за самым важным и интересным в Telegram-каналеТатмедиа
Нет комментариев