Яктылык кайтаргыч элементлар кулланасыңмы?

Билгеле булганча, яктылык кайтаргыч элементлар куллану юлларда һәлакәтләрне кисәтүгә һәм киметүгә зур ярдәм күрсәтә.

Шул уңайдан кичә — 30 декабрь көнне ЮХИДИнең район бүлекчәсе хезмәткәрләре — вакытлыча бүлекчә начальнигы вазифаларын башкаручы Рамис Сафин, юл-патруль хезмәте инспекторы Илнур Шәрипов, «Юл хәрәкәте иминлеге» дәүләт учреждениесенең район филиалы начальнигы Алсу Ситдыйкова махсус акция үткәрделәр, җәяүлеләргә, машина йөртүчеләргә юл хәрәкәте турындагы белешмәлекләр, яктылык кайтаргыч элементлар тараттылар.