Бураннар туздырып, Сарманга сыерчыклар кайта

автор, 23 март 2020 - 15:47

816

Быел кар бик иртә эри, сыерчык бураннарына кар да калмас инде, дип, уйларга да өлгермәдек, әче җилләргә ияреп, сыерчыклар да кайттылар.

Кайтсыннар, без аларны сагынып көттек, хәтта матур ояларыбыз да әзер. Сарман авылында яшәүче Рамил Юнысов канатлы дусларыбызга ояның иң матурын ясаган. Ә сезнең сыерчык оялары әзерме, дуслар? Рәсемнәрен безгә дә җибәрегез, я комментарийларга беркетеп куегыз. Башкалар да күрсеннәр, соклансыннар сезнең хезмәткә.
Альбина Сабирова язмасы,
Рамил Юнысов фотолары