Саклаубаш мәчетендә ифтар ашы үтте

 Читтә яшәүчеләр дә кайтып, бергәләп вәгазьләр тыңладылар, авыз ачтылар, аннан ахшам намазы укыдылар. Өлеше кергән һәркемне исемләп атап, биргән сәдакаларына дога кылдырды авылның имам-хатыйбы Хәйдәр хәзрәт. Җыелган акчаларның яртысына ифтар табыны әзерләгәннәр, калганын мәчет кирәк-яракларына дип биргәннәр. Әлеге бердәмлек традициясе авылда берничә ел дәвам итә, һәм аның киләчәктә дә дәвамлы булуын теләделәр.
Авылның өлкәннәре дә күчтәнәчсез килмәгәннәр иде. Ел да эксклюзив ризыклары белән гаҗәпкә салалар саклаубашлылар. Быел да Әлфия апа Җәләлетдинова үзенең «фирменный» дөге бәлешен пешергән, аны бик матур итеп бизәгән иде.