Йокыдан торгач һәм йоклар алдыннан укыла торган догалар

Әлхәмдү лилләһил-ләзи әхйәнә бәгъдә мә әмәтәнә үә иләйһин-нүшүр.

«Безне үле кылганнан соң терелткән Аллаһга барча мактаулар булсын һәм кире терелеп, Аңа, Кыямәттә кайтачакбыз» (Бохари һәм Мөслим риваяте).

Шул рәвешле, һәр яңа көнебезне Аллаһны искә алу, Аны мактау, олылау белән башлыйбыз. Син дә бу зикерне ятла, һәр иртәдә, күзеңне ачуга, аны әйтергә иялән. Аллаһ та көнеңә бәрәкәт бирер, ин шәә Аллаһ!

Ләкин көн дәвамында да Раббыбыз турында онытырга ярамый. Аны һәрчак искә алып, зикер әйтү хәерле. Ә инде йокларга ятканда, Аллаһны искә төшереп, шушы доганы әйт:

Бисмикә Аллаһүммә әмүтү үә әхйә. «Әй Аллаһ! Синең исемең белән үләм һәм тереләм».

«Каләм» нәшрияты җыентыгыннан.  

Чыганак: https://intertat.tatar/news/iokydan-torgac-ham-ioklar-aldynnan-ukyla-torgan-dogalar-5857537