Инвалид эшкә урнашырга хокуклы

Инвалидлар эшкә урнашуда кайбер кыенлыклар кичерәләр. Әмма РФ Хезмәт Кодексының 64 маддәсе нигезендә, физик кимчелеген сәбәп итеп, инвалидны эшкә алмау тыела. Әгәр аның эш өчен тиешле белеме һәм күнекмәләре була икән, эш бирүче аны эшкә алырга бурычлы. Эшкә алмый икән, инвалид аннан эшкә алмавының сәбәпләрен язмача дәлилләвен таләп итә, дәлилләр белән ризалашмаган очракта судка мөрәҗәгать итә ала. Инвалидлыгы булган кеше мәшгульлек үзәгенә учетка да баса ала, әмма моның өчен аңа "Шәхси реабилитация программасы"н рәсмиләштерергә кирәк.