"Җиңүчеләр сафын барлыйбыз" акциясенең чираттагы катнашучысы №13 - Хәйруллин Гокәшә

Хәйруллин Гокәшә Хәйрулла улы. 1918 елның 9 (22) ноябрендә Яхшыбай авылында туган. 1940 нчы елның февраль аенда армия сафларына - фин сугышына, соңрак Бөек Ватан сугышына алына. "Идел-Урал" легиончысы. 1943 нче елда 1500 ләп легиончы сафында француз партизаннарына кушыла. Туган якка 1957 нче елда гына кайта. Казан шәһәренә урнашып гаилә кора, төзелештә эшли. 1986 нчы елда вафат. Кабере Яхшыбай авылы зиратында.