Татарстан сөт җитештерү буенча кабат тәүлегенә 4000 тонна чиген үтте

Бу узган елгының шушы чорыдагыдан 223,9 тоннага артыграк. Бер сыердан бер көнгә 17,6 килограмм сөт савыла. Бу исә узган елгыдан 1,5 килограммга күбрәк. Бер көнгә 4536,1 тонна сөт сатыла (узган елгыдан 275,8 тоннага артыграк).
Татарстан районнары арасында бер тәүлеккә 1 сыердан сөт саву буенча лидерлар түбәндәгеләр: Әтнә (31,6 кг), Кукмара (26,5 кг), Мамадыш (26,4 кг), Саба (26,3 кг), Балтач (23,9 кг), Түбән Кама (20,1 кг), Актаныш (19,5 кг), Азнакай (19,2 кг), Арча (18,4 кг), Биектау (18,4 кг) һәм Теләче (18,1 кг).
Ә Сарман районында, авыл хуҗалыгы һәм азык-төлек идарәсеннән алынган мәгълүматлардан күренгәнчә, бер көнгә барлыгы 65,3 тонна, ә бер сыердан 14 килограмм сөт савыла.
Исегезгә төшерәбез: 2019 елның 25 июнендә республика бер тәүлеккә сөт җитештерү буенча беренче тапкыр 4000 тонна чиген үткән иде. Җәйне “зур сөт чоры” дип атыйлар. Бу вакытта сыерларның продуктлылыгы арта. Кышка исә бераз түбән төшү күзәтелә. Быел исә республика май аенда ук 4000 тонна чигенә чыкты. Бүгенге көндә сөт җитештерү 1003,9 тонна тәшкил итә.
Шунысын да билгеләп үтәргә кирәк: сөт җитештерү республикада өстенлекле юнәлешләрнең берсе булып тора. Министрлык тарафыннан кабул ителгән чаралар һәм ярдәм нәтиҗәсендә республикада уңай нәтиҗәләр сизелә. Татарстан Россия субъектлары арасында сөт җитештерү буенча алдынгы урында тора.
Татарстан Республикасы Авыл хуҗалыгы һәм азык-төлек министрлыгының оператив мәгълүматларыннан күренгәнчә, 2020 елның 11 маена авыл хуҗалыгы оешмалары тарафыннан сөт сату 1 тәүлеккә 50,4 мең тонна тәшкил итте. Бу узган елның шушы чорындагыдан 7,1 процентка күбрәк.
Иң күп сөт сатучылар булып Татарстан, Краснодар крае, Воронеж, Киров, Новосибирск, Свердловск, Ленинград, Белгород, Мәскәү һәм Түбән Новгород өлкәләре, Удмуртия Республикасы һәм Алтай крае торалар.

ФОТО:Министерство сельского хозяйства и продовольствия Республики Татарстан