Рөстәм Миңнеханов һәм Дмитрий Зубов Казанда эре чараларны ачтылар
Бүген «Казан Экспо»да «Агроидел-2026» халыкара агросәнәгать күргәзмәсе һәм кулланучылар кооперациясе форумының ачылу тантанасы узды.
Татарстан Рәисе Рөстәм Миңнеханов катнашучыларга чараларның файдалы булачагына ышаныч белдерде. Ул күргәзмәдә Россия төбәкләре һәм чит ил компанияләре, ә форумда кооперация оешмалары катнашуын билгеләп үтте.
РФ Кулланучылар җәмгыятьләре Үзәк берлеге рәисе Дмитрий Зубов форумның Россия кооперациясенең 195 еллыгына, Татарстан кооперациясенең 110 еллыгына багышлануын әйтте.
РФ авыл хуҗалыгы министры урынбасары Андрей Разин «Агроидел»ны илнең төп аграр күргәзмәләренең берсе дип атады. Аның сүзләренчә, 8-10 июльдә узган чаралар аграр предприятиеләр өчен конкрет нәтиҗәләр бирәчәк.
Тантанада ТР авыл хуҗалыгы министры Марат Җәббаров һәм Татарстан кулланучылар берлеге рәисе Рашат Шәймәрданов та катнашты. Чара ахырында өч яклы хезмәттәшлек килешүе имзаланды.
Форумда район башлыгы Фәрит Хөснуллин җитәкчелегендәге район делегациясе дә катнашты.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев