Безнекеләр дә бар

Мәгълүм булганча, республикада уракта иң яхшы күрсәткечләргә ирешкән 200 комбайнчыга 100әр мең сумлык премияләр тапшырылачак. Авыл хуҗалыгы һәм азык-төлек министрлыгы районнардан даими рәвештә комбайнчыларның эш күрсәткечләре турында мәгълүмат алып тора. Алардан күренгәнчә, 3нче төркемдә премиягә дәгъва кылучылар арасында «Җәлил» агрофримасы комбайнчылары Руслан Кәлимуллин, Владислав Бигимов, «Сарман» агрофирмасыннан Данияр Кәлимуллин, Ринат Сәгъдәтов, Дамир Гайнуллин бар. Теземнәргә салуда эшләүчеләр арасында «Нөркәй» агрофирмасы механизаторы Сәлмән Шакиров үз төркемендә икенче урында тора.