Кытайча үрдәк белән бәрәңге

Моның өчен 1 кг үрдәк, 700 гр бәрәңге, 80 мл соя соусы, 1 чәй калагы шикәр комы, 1 чәй калагы крахмал, 1 тырнак сарымсак, 50 мл үсемлек мае кирәк.
Үрдәкнең теләсә кайсы өлешен алып турагыз, юып киптерегез. Маринад өчен соя соусына үсемлек мае, соңыннан шикәр комы, крахмал салыгыз һәм яхшылап болгатыгыз. Вакланган сарымсак өстәгез. Маринадны үрдәк ите өстенә сибегез һәм 30 минут тотыгыз. Бәрәңгене әрчегез, боҗралап һәм ярымбоҗралап турагыз. Өстенә үрдәк итен тезегез, калган маринадны сибегез. Газ мичендә 1 сәгать тирәсе пешерегез, баштагы 40 минутта – фольга белән каплап. Тәмле булсын!