Районга яңа автолавка кайтты

Сарман районы тагын бер автомашиналы булды.

Татарстанда эшләп килүче һәм халыкка сәүдә хезмәте күрсәтүче автолавкаларның саны елдан-ел арта бара. Бүгенге көндә кулланучылар җәмгыяте системасында 1315 торак пунктны тормыш-көнкүреш товарлары белән тәэмин итүче 106 автолавка эшли. Шушы көннәрдә ТР Премьер-министры урынбасары – республика авыл хуҗалыгы һәм азык-төлек министры Марат Җәббаров район кулланучылар кооперативлары җитәкчеләренә яңа автолавка машинасы ачкычлары тапшырды. Быелгы үзизоляция шартларында аларның әһәмияте тагын да артты. Республиканың азык-төлек идарәсе башлыгы фикеренчә, автолавкалар, мобиль сәүдә форматын үстереп, авыл халкына зур файда китерәләр.
- Районда ике автолавка машинасы кече авыллар халкына хезмәт күрсәтә иде. Барлыгы 27 авылга график нигезендә атнага ике тапкыр күчмә сәүдә белән чыгабыз. Менә тагын бер автомашиналы булдык, - диде “Татпотребсоюз” җәмгыятенең Сарман кулланучылар кооперативы җитәкчесе Роберт Маликов.
Үзчикләү чорында авылларга автолавкалар чыгу аеруча актуаль булган. Әллә ни читкә барасы да түгел. Азык-төлекне хәзер менә шул рәвешле китереп тә бирәләр.
- Автолавка капка төбенә үк килеп туктый. Көндәлек товарлар, азык-төлек җитәрлек. Аллага шөкер, пенсияләрне вакытында биреп баралар. Без, өлкәннәргә, үз транспорты булмаганнарга, җәяүләп бик еракка йөри алмаганнар өчен, мондый сәүдә бигрәк уңайлы, - дип сөенечләрен уртаклашканнар инде Сөлек авылында яшәүчеләр, бервакытны авылларына баргач.

Альбина Сабирова язмасы һәм фотолары

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 13 апрель 2021 - 09:54
    Башкортстан кызы Лилия Шагалеева туган телендә Газиз Әбделмәновның шигырен укый!
  • 25 март 2021 - 14:07
    Фирдүс Тямаев Сарайлы авылына кабат кайтачак
  • Сез чүп-чарны сортларга бүләсезме? .
    7 кеше тавыш бирде
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.