Азалак мәктәбе сәламәт яшәү рәвеше яклы

Азалак төп гомумбелем бирү мәктәбендә сәламәт яшәү рәвешен пропагандалауга зур игътибар бирелә.

Һәр атнаның пәнҗешәмбе көнендә Азалак төп гомуми белем бирү мәктәбендә тәрбия сәгатьләре үтә, укучылар төрле темаларга видеолар, презентацияләр карыйлар. Чираттагы класс сәгате ”Тәмәке тартуның зыяны ” темасына багышланган иде. Алар тәмәкенең сәламәтлек өчен зыянлы, куркыныч булуына тагын бер кат инандылар.

Укучыларыбыз башка чараларда да актив катнашалар. Шуларның берсе “Сәламәтлек- яшәү стиле” исемле Бөтенроссия конкурсы. Укытучыбыз, өстәмә белем бирү педагогыбыз Шафигуллина Г.Ф. “Сәламәтлек укытучысы-2020” Бөтенроссия конкурсының муниципаль этабында җиңүче булды.