Миңнехуҗина Мәдинә Миңнәхмәт кызына - 90 яшь

Я Әлмәт шәһәрендә - кызларында, я улларында кунак булып хөрмәттә йөри. Юбилеен Янурыс авылында яшәүче улы Инсаф белән килене Нәфисә гаиләсендә бәйрәм итте ул. Олуг юбилее белән аны район башлыгы урынбасары Гүзәл Гәрәева тәбрикләде, РФ Президенты Владимир Путинның Котлау хатын, район башлыгы Фәрит Хөснуллин исеменнән истәлекле бүләк тапшырды. Район социаль яклау бүлеге начальнигы Лилия Гыйльметдинова, Янурыс авыл җирлеге башлыгы Азия Мөхәммәдиева, авыл ветераннар советы рәисе Вәсилә Загрудная, балалары, оныклары, якыннары да иң изге теләкләрен җиткерделәр, сихәт гомер теләделәр.
- Балаларым бик әйбәт булдылар, бик хөрмәтлиләр, оныкларым да "әнкәй" дип дәшә, шуңа озак яшимдер, тормышымнан бик канәгать, Аллаһка шөкер, - диде Мәдинә апа.
Юбиляр турында тулырак газетаның алдагы санында укыгыз.