Анталия татарлары үз гаиләләре турында татарча видео төшергән+ВИДЕО
"Татар-информ" чит илләрдә яшәүче татарларга татарча видео төшереп җибәрергә тәкъдим иткән.
"Татар-информ" мәгълүмат агентлыгы чит илләрдә яшәүче татарлар белән видеокүпердә тәкъдим иткән биремгә җавап Анталия татарларыннан килде. Татар балалары үз гаиләләре турында татарча видео төшергән.
Видеокүпер "Татар-информ" мәгълүмат агентлыгының татар редакциясе белән Төркия, Казахстан, Кыргызстан, Италия татарлары арасында узды.
Бирем үз гаиләң турында татарча видео төшерүдән гыйбарәт.
Иң уңышлы эшләр "Татар-информ" сайтында һәм YouTube каналында урын алачак.
Бүген Анталия татарлары төшергән видеоны тәкъдим итәбез.
“Без ике сеңел – Аиша һәм Зилә. Безнең гаилә зур һәм тату. Ял көннәрендә без гаилә белән велосипедта һәм самокатта йөрергә яратабыз. Безгә кунакка килегез. Без килгән кунакларга бик тә шат”, - диелгән видеода.
Фото: скриншот инстаграм
Следите за самым важным и интересным в Telegram-каналеТатмедиа
Нет комментариев