Татарстан өчен хаҗга баручылар квотасы өченче ел 1,8 мең кеше тәшкил итә
Быел Татарстаннан хаҗга 1800 кеше юл тотачак. Бу хакта ТР Дин эшләре буенча идарәсе рәисе урынбасары, «Мәрҗани» мәчете имам-хатыйбы Равил Зөфәров хәбәр итте. Хаҗиларның беренче төркеме 16 майда юлга кузгалачак, дип яза «Татар-информ» МА.
– Һәр төркем гарәп телен һәм Согуд Гарәбстаны Корольлеге законнарын белүче тәҗрибәле хәзрәт-җитәкче һәм безнең табиблар белән озатыла, – диде Равил хәзрәт.
Татарстан өчен бу квота 2024 елдан үзгәртелмәгән. Республикада рәсми хаҗ-оператор булып «ТР Дин эшләре буенча идарәсе Хаҗ» оешмасы тора.
Искәртеп үтәбез: Татарстан хаҗилары белән бергә, һәрвакыттагыча, төрле белгечлектәге 20 табиб чыгып китә. Табиблар хаҗга баручыларны юлда, кунакханәләрдә, Мина үзәнендәге палаткалы шәһәрчек һәм Гарәфәт таулыгында бөтен сәфәр барышында озатып йөриләр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев