Сарманда "Автоледи" бәйгесе үтәчәк

Сарман районы ЮХИДИ бүлекчәсе һәм Юл иминлеге программаларын финанслау дирекциясе машина йөртүче хатын-кызлар арасында "Автоледи-2016" бәйгесе үткәрәләр. Бәйгедә катнашучылар ике төрле сынау үтәчәкләр:

1) Юл йөрү кагыйдәләре белгечләре;
2) Транспорт чарасын автошәһәрчектә фигуралы йөртү.

Бәйге 4 августта 09.00 сәгатьтә башлана.
Җыелу урыны: район ЮХИДИ бүлекчәсе бинасы (Профсоюз урамы, 19 нчы йорт).
Катнашучыларның «В» категорияле транспорт йөртү таныклыклары һәм транспорт чарасын йөртү хокукына ия икәнлекне исбатлаучы документлары булырга тиеш.
Җиңүчеләрне кыйммәтле бүләкләр көтә.

Заявкалар 2-61-21 телефоны буенча 3 августка кадәр кабул ителә.