Кер юу машинасының киемнәрне чистартмавында хуҗабикәләр гаепле

«Керләрне саласың, порошокны беренче күренгән бүлеккә сибәсең, аннары аптырап каласың – ни өчен сөекле футболкаңдагы таплар һаман да урынында? Кыйммәтле порошок саласың, ә таплар кала. Кат-кат юсаң да – нәтиҗә ноль. Яңа машина – ә киемнәр тузган кебек чыга» – шундый хәл танышмы?

Таныш булса, кер машинасында порошоклар сала торган тартмадагы билгеләргә игътибар иттегез.

• «I» – бары тик алдан юуу өчен (мәсәлән, дачадан соң пычранган джинсылар).
• «II» – көндәлек төп юуу өчен.
• Чәчәк рәсеме – кондиционер өчен генә.

Иң мөһим сер: гадәти юган чакта порошокны беренче бүлеккә генә салсагыз, машина аны бушка гына юып төшерәчәк. Төп юуу этабы бары тик икенче бүлектән башлана.

Шуны истә тотыгыз:

• Көндәлек юуу өчен – бары тик II бүлек.
• Порошокны ике бүлеккә дә салу (I+II) – бик пычрак керләр өчен генә.
• Гельләр – бары тик II бүлеккә, югыйсә алар вакытыннан алда юылып бетә.
• Кондиционер – бары тик «чәчәкле» бүлеккә, югыйсә нәтиҗәсе булмаячак.

Кызык факт: статистика күрсәткәнчә, хуҗабикәләрнең 60 проценты шушы ук хатаны ясый!

Чыганак: https://intertat.tatar/news/ni-ocen-ker-masinasy-kiemnarne-cistartmyi-xuabikalarnen-top-xatasy-5873737