Казанда Тукайның 140 еллыгына халыкара күргәзмә ачыла
20 апрельдә Татарстан Республикасы Халыклар дуслыгы йортында зур вакыйга көтелә. Биредә бөек татар шагыйре Габдулла Тукайга багышланган халыкара күргәзмә үз ишекләрен ача. Проектны БДБ рәссамнары һөнәр берлегенең Казан бүлеге әзерләгән, дип хәбәр итә «Татар-информ» МА.
Быел Россия Федерациясендә Халыклар бердәмлеге елы уза. Казан ислам дөньясы башкаласы буларак монда төп рольне уйный. Шулай ук быел Тукайның 140 еллыгы билгеләнә – аның иҗаты татар әдәбиятын дөнья дәрәҗәсенә күтәргән. Шагыйрьнең шигырьләрен Анна Ахматова, Арсений Тарковский, Семен Липкин, Вероника Тушнова кебек данлыклы әдипләр тәрҗемә иткән.
Күргәзмәдә казанлы рәссамнар Андрей Сутин, Светлана Тимофеева, Әсхәт Макраев, Дания Казакованың картиналары куела. Лада Аюдагның «Су анасы» әсәре – Тукай әкиятләре мотивлары буенча иҗат ителгән. Марина Абрамова шагыйрьнең әкиятләренә матур иллюстрацияләр тәкъдим итә. Шагыйрьнең театр музасын татар кызы рәвешендә Динә Лебедева сурәтләгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев