Исерек йөртүчеләр аркасында 4 кеше һәлак булган
Татарстан Республикасы буенча Эчке эшләр министрлыгының Дәүләт автоинспекциясе идарәсе башлыгы Рөстәм Гарипов елның беренче аендагы аяныч статистиканы җиткерде.
ТР Министрлар Кабинетында узган брифингта ул гыйнварда исерек шоферлар катнашында 8 авария теркәлүен белдерде.
Әлеге юл-транспорт һәлакәтләре дүрт кешенең гомерен өзгән, тагын ун кеше төрле дәрәҗәдәге тән җәрәхәтләре алган, дип хәбәр итә "Татар-информ" МА.
Республика Дәүләт автоинспекциясе кисәтә: исерек хәлдә руль артына утыру — юл хәрәкәте кагыйдәләрен иң тупас бозуларның берсе һәм ул төзәтә алмаслык фаҗигаләргә китерергә мөмкин.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев