Данисны район башлыгы тәбрикләде

2023 елның беренче сабые – 3 гыйнварда райондашларыбыз Алия һәм Раушан Сәүбәновлар гаиләсендә малай тууы хакында без сезгә хәбәр иткән идек инде, хөрмәтле дуслар. Бүген, “Ныклы гаилә” Бөтенрәсәй проекты кысаларында, яшь гаиләне – бәхетле әти-әнине, кечкенә Данисны район башлыгы Фәрит Хөснуллин тәбрикләде, изге теләкләрен җиткереп, истәлек бүләкләре тапшырды. Район Башкарма комитеты җитәкчесе урынбасары, район хатын-кызлары Советы рәисе Индира Сәхипова, гражданлык хәле актларын теркәү бүлеге начальнигы Гөлчәчәк Вәлишина да җылы тәбрик сүзләре ирештерделәр.