Казанда 1,5 яшьлек бала тәрәзәдән егылып төшкән

Казанда 1,5 яшьлек кыз тәрәзәдән егылып төшкән. Бу хакта «Татар-информ» агентлыгына үз чыганакларыннан билгеле булды.

Фаҗига 3 июльдә килеп чыккан. Башлангыч мәгълүматларга караганда, сабый Казан үзәгендәге бер фатирның тәрәзәсеннән егылып төшкән.

Республика балалар клиник хастаханәсенең матбугат хезмәтеннән «Татар-информ» агентлыгына хәбәр итүләренчә, кыз интенсив терапия бүлегендә ята. Ул үз аңында.

Сабыйның сөякләре сынган, эчке органнарына зыян килгән, шулай ук башы җәрәхәтләнгән.  

Фото: https://pixabay.com | RitaE

https://tatar-inform.tatar