Хатын-кызны бәхетле итәр өчен, нишләргә?

Алсу Ситдыйкова, “Юл хәрәкәте иминлеге» дәүләт учреждениесе бүлекчәсе начальнигы:

"Бәхет – ул бәхетсезлекләр булмау" дигән әйтем бик ошый миңа. Тормышның һәр мизгеленнән ләззәт, рәхәтлек алып, булганына куанып, шөкер итеп яшәү мөһим. Бәхет ни ул, дигән сорауга махсус җавап эзлисе дә түгелдер. Бәхетне һәр хатынкыз үзе тудыра, дип саныйм. Шулай да тулысынча бәхетле булу өчен, ныклы гаиләң – сине яратучың, якыннарың, сәламәтлек, тынычлык мөһим. Хатын-кыз яратылса һәм яратса, бәхетле ул!