Венера Сәетшинаның бакчасында “Кабак” геройлары яши

"Сарман: иң яңа хәбәрләр", 20 сентябрь 2018 - 09:23

1177

Сарман авылында яшәүче Венера Сәетшинаның матур чәчәкләр үстерү остасы булуы хакында без “Сарман” газетасында язып та чыккан идек.

Ул - чыннан да, оста бакчачы, аны зәвык белән бизәүче, тирә-юньгә гүзәллек бүләк итүче.
- Матбугат үзәгендә “Кабак бәйрәме” була, дигән хәбәрне ишетү белән, әзерләнә башладым, - ди Венера Соббух кызы.
Аның кабактан ясалган әкият геройлары бәйрәмгә килергә әзер инде. Каретага утырган Золушка, Көз бабай, Ташбака, алар юлын яктыртучы лампа бәйрәмчә киенеп куйганнар. Бәйрәм булгач, ваза белән чәчәге дә утыра, хәтта кактус та “чәчәк” аткан.