Райондашыбыз чираттагы марафонда катнашты
Кичә, 10 октябрь көнне, башкалада Казан милли ярыммарафоны узды. Аның кысаларында йөгерүне үз иткән спортчылар 21,1, 10 һәм 3 километр ераклыктагы араларда үз көчләрен сынадылар. Балалар өчен старт аерым бирелде.
Марафонда безнең райондашыбыз – күп тапкырлар үзенең җитезлеген сынап караган, җиңел атлетика фанаты Фәнис Фәретдинов та катнашты. Ул 21,1 километр араны 1 сәгать тә 34 минутта йөгереп узды.
- Казан милли ярыммарафоны заман инновацияләрен, җирле халыкның традицияләрен һәм алдынгы дөнья трендларын, шулай ук бүгенге тормыш ритмын үз эченә алган шәһәрне тагын бер кат күрү өчен менә дигән чара булды. Мин мондый мөмкинлекләрдән файдаланырга тырышам. Сәламәтлек өчен дә файдалы, - ди райондашыбыз.
Альбина Сабирова
Следите за самым важным и интересным в Telegram-каналеТатмедиа
Нет комментариев