Районда икеайлыкка старт бирелде

Аны район башлыгы Фәрит Хөснуллин алып барды. 

Иң элек сүз район Башкарма комитеты җитәкчесе Фәндәс Вәлиевка бирелде. Ул санитар-экологик икеайлыкка старт бирелүе хакында әйтте һәм 1 апрельдән 31 майга кадәр районда башкарылачак эшләр планы белән таныштырды. Сарман һәм Мөслим районнары буенча күзәтү эшчәнлеге һәм профилактик эшләр буенча районара бүлек начальнигы Радик Госманов язгы-җәйге чорда янгыннар чыгу куркынычы артуы турында сөйләде, саклану чаралары күрергә чакырды. Урман хуҗалыкларын янгын куркынычы сезонына әзерлек турында Сарман участогы урманчысы Айрат Вахитов чыгыш ясады. 

Карашай Саклау авыл җирлеге башлыгы Вероника Хөсниева үз җирлекләрендәге эшчәнлек белән таныштырды.