Иске Кәшер урта мәктәбендә районара конференция үтте
“Патриотизм: традицияләр һәм заманчалык” исеме астында узган фәнни-гамәли конференция укучыларда Бөек Ватан сугышы батырларына, Әфганстан, Чечня хәрби хәрәкәтләре ветераннарына, махсус хәрби операциядәге геройларыбызга карата хөрмәт һәм дан билгесе булды, батырлык үрнәге күрсәткән якыннары белән горурлану хисе белән сугарылды.
Укучылар ике секциядә чыгыш ясадылар. Аның берсе “Ташка төренгән хәтер” һәм “Бер батырлык тарихы” дип аталса, икенчесе “Ватан тарафыннан бүләкләнгән” дип исемләнгән иде. Конференциягә барлыгы 100гә якын эш кабул ителгән. Икенче турга узганнары чыгыш ясап, алар арасында урыннар билгеләнде. Җиңүчеләр төрле дәрәҗә дипломнар белән бүләкләнделәр.
Шулай ук мәктәптә республика конференциясенең бер секциясе дә эшләде. Анда укытучылар чыгыш ясадылар, “Заманча белем бирү киңлегендә тәрбия: үсешнең тенденцияләре, технологияләре һәм векторлары” темасы астында фикер алыштылар.
Следите за самым важным и интересным в Telegram-каналеТатмедиа
Нет комментариев