Ландыш Фатыйхова җәмәгать судьясы итеп сайланды

"Сарман: иң яңа хәбәрләр", 22 апрель 2025 - 16:28

1751

Татарстан Республикасы Конституциясенең 75 маддәсе, ТР Дәүләт Советының агымдагы елның 18 апрелендә дөнья күргән 256-7 санлы Карары нигезендә, Сарман суд районының 2 санлы суд участогына җәмәгать судьясы итеп Фатыйхова Ландыш Рәис кызы сайланды.

Аны бүген коллективка Сарман районы суды рәисе Ринат Хәйбрахманов тәкъдим итте һәм изге теләкләрен җиткерде. Җитәкчене район башлыгы Фәрит Хөснуллин исеменнән район Советы аппараты җитәкчесе Юлия Исмәгыйлова тәбрикләде. Район прокуратурасы, эчке эшләр, суд коллективлары исеменнән, хезмәттәшләреннән дә иң җылы котлау сүзләре кабул итте Ландыш Рәис кызы. Без дә яңа җитәкчегә мул хезмәт уңышлары телибез.