Кәүҗияк балалар бакчасына кунак килгән

Балаларда көз һәм көзге күренешләр турында белемнәрен ныгыту, табигать матурлыгына соклана белү, кайгыртучанлык тәрбияләү максатыннан, Кәүҗияк авылы “Кояшкай” балалар бакчасында ”Көзнең алтын мизгеле” дигән темага дәрес уздырылды. Балалар белән табигатькә карап көз билгеләрен искә төшереп киттек, көз турында шигырьләр укылды, табышмаклар әйтелде. Соңыннан балалар белән “Серле капчык” уенын уйнадылар.

Гөлшат апалары балаларга сәламәт, тәртипле булуларын теләп, үзенә  китапханәгә кунакка чакырды.