Иске Минзәләбашта КВН командалары ярышты

"Сарман: иң яңа хәбәрләр", 13 февраль 2025 - 09:15

452

«ӘйдәШаяРТ» татар КВН командалары бәйгесе узган ел районда гөрләп үткән иде. Бу атнада аның зона турлары старт алды.
Кичә уеннар Иске Минзәләбаш зонасында үттеләр. Анда җиде команда көч сынаштылар. Алар өч бирем үтәргә тиеш булдылар: «Сәламләү», «Разминка» һәм «Солдатта булган диләр...» дигән темага өй эше. Район үзешчәннәре тамашачыларга һәм жюри әгъзаларына бар осталыкларын күрсәттеләр, аларның чыгышлары тиешенчә бәяләнде. Нәтиҗә исә барлык зона турлары тәмамлангач – 18 февральдән соң ясалачак. Финалга үткән командалар гала-концертта катнашачаклар.