Идрисовлар — җырлы нәсел

"Сарман: иң яңа хәбәрләр", 25 февраль 2024 - 16:29

1010

Мәшhүр җырчы Илhам Шакиров туган Яңа Бүләк авылына ызандаш Күктәк-Мирсәет авылында барлыкка килгән Идрисовлар нәселе бөтен республикада дан тота.

Күренекле табиблары, атказанган җырчылары, педагоглары белән дә мактана алалар Идрисовлар. Алар татар тарихы, мәдәнияте белән кызыксынып, милли гореф-гадәтләрне киләсе буыннарга да тапшырырга омтылып яшиләр. Күпбалалы булулары да күчеп килә. Габделмәҗит бабай белән Фәhиҗамал әбинең 10 баласының гаиләләре, тармакланып, бүгенге көндә бердәмлек үрнәге күрсәтеп яшиләр, туганнар еш очрашалар, истәлекләре белән уртаклашалар.