Сарманлыларга кычыткан ашы файдалы булыр

Кычыткан яфракларында А, В, С, Е, К витаминнары бар. Организмны шлаклар, токсиннардан чистарта, холестеринны киметә.

- Кычыткан ашын итле итеп тә, итсез дә пешерергә мөмкин. Моның өчен 2,5 л. шулпа, 300-350 гр. кычыткан, 1 баш суган, 1-2 бәрәңге, 2 йомырка, 1 кишер, яшел суган һәм укроп, тәменчә тоз кирәк.

Кычытканны юып, тиз генә пешекләп алырга һәм турарга. Кайнап торган шулпага кишер белән бәрәңгене ваклап салып пешерергә. Шулай ук туралган кычыткан һәм суган салына. Ахырда йомыркаларны аерым туглап, кайнап торган ашка салып болгатырга. Табынга каймак яисә катык белән бирелә.

Ашларыгыз тәмле һәм шифалы булсын! - диде «Ак калфак» хатын-кызлар төбәк иҗтимагый оешмасының Җәлил бүлеге җитәкчесе Гүзәлия Гарипова.