Татарстанда гериатрия стационарлары кайда булачагы билгеле

Ел азагына кадәр олы буын кешеләренә ярдәм күрсәтү буенча 140 ятак булдырылырга тиеш.

Татарстанда гериатрия профиле буенча өлкән буын вәкилләренә ярдәмне киңәйтмәкче булалар. Татарстан сәламәтлек саклау министрының беренче урынбасары Альмир Абашев гериатрия стационарлары кайда булачагын әйтте.

Казанның 21нче сырхауханәсендә "Демография" илкүләм проекты, аның кысаларында "Өлкән буын" төбәк проектына багышланган киңәшмәдә ул гериатрия кабинетлары нинди булырга тиешлеге турында сөйләде.

Әлегә барлыгы 20 муниципаль берәмлектә 45 гериатрия кабинеты булыр дип ниятләнә. Бүгенгә инде 12 районда мондый кабинетлар эшли. Гериатрия ятакларына килгәндә, алар 12 район-шәһәрдә булдырыла.

Казанда Сугыш ветераннары өчен госпитальдә, 11, 18 хастаханәләрендә, Яр Чаллыда сугыш ветераннары өчен госпиталь базасында, Чистай, Алабуга, Түбән Кама, Әлмәт, Буа, Апас, Яшел Үзән, Әтнә Үзәк район хастаханәләре базасында барлыкка киләчәк. "Ел азагына кадәр 140 ятак булырга тиеш", - диде Альмир Абашев.

"Табиб-гериатр өлкән буын кешесен мөстәкыйль, үзен карарлык итеп тәрбияләргә, дәваларга тиеш. Алар егылу ихтималы зур булган, хәтере начар, гәүдә авырлыгы кими торган һәм башка тайпылышлары булган пациентларны кайгыртачак», - диде ул. Бу профиль буенча ярдәм күрсәтү өчен 40 табиб укытыла.

Альмир Абашев олы яшьтәгеләргә башлангыч ярдәм сырхауханәләрдә гериатрия кабинетларында, кирәк булса, соңрак стационарларда күрсәтеләчәген әйтте. Паллиатив ярдәм дә күздә тотыла: өй шартларында хәтта үпкәләргә ясалма вентиляция дә оештырырга җыеналар.

Фото: Владимир Васильев

Бу хакта тулырак: https://tatar-inform.tatar/news/2019/07/10/189597/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде