Ай башында республикада яшәүчеләрне җылы һава торышы көтә, урыны белән бераз яңгыр явып узарга мөмкин. ТР Гидрометеорология үзәге мәгълүматларына сылтама белән «Татар-информ» МА хәбәр итүенчә, төбәктә алмашынучан болытлы һава торышы сакланачак.
Пәнҗешәмбе, 3 сентябрьдә, төндә сизелерлек явым-төшемнәр көтелми, көндез аерым районнарда бераз яңгыр явачак. Җил көньяк-көнбатыштан, тизлеге секундына 5–10 метр, көндез секундына 13 метрга кадәр көчәергә мөмкин. Төнлә һава температурасы +10..+15 градус булса, көндез +23..+28 градуска кадәр җылытачак.
Җомга, 4 сентябрьдә, шулай ук урыны белән бераз яңгыр көтелә. Җил юнәлешен көнбатышка алыштырачак, тизлеге секундына 4–9 метр, көндез секундына 13 метрга кадәр көчәячәк. Төнлә +10..+15, көндез +20..+25 градус арасы булачак.
Россия Гидрометеорология үзәге фаразы буенча, сентябрьнең беренче декадасында Татарстанда уртача һава температурасы климатик нормадан 1 градуска югарырак булачак (республика буенча норма — +14,3°, Казан өчен — +14,8°). Һава торышының җылынуы Төньяк Атлантикадан килгән циклон йогынтысы белән бәйле.
Нет комментариев